زيادة إنتاج التيستوستيرون واختاره تنقصه.

زيادة إنتاج التيستوستيرون واختاره تنقصه.

    كابتن: شريف عبد التواب

    ليه تدخل جسمك هرمون خارجي لما ربنا جاعل في جسمك مصانع لإنتاج الهرمونات و الإنزيمات لتحسين الجسم.

    وكلها شغاله في تناسق عظيم بدون أي ضرر ولا تضارب في عملها مع بعض .

    كل المطلوب منك أسلوب حياه صحيه و منظمة لتشغيل المصانع دي بأعلى كفاءة.

    حتي لو كنت مصر علي إستخدام الهرمونات الصناعية مهم جداً تفهم إنك مش هتعيش عليها بقي حياتك وإنك لو ما راجعتش إنتاج التيستوستيرون الطبيعي لمستويات عاليةهتخسر الكتله العضليه المكتسبة من الكورس الهرموني.

    و يبقي خسرت فلوس و صحه بدون أي فايدة ويمكن ترجع أسوء مما كنت قبل الكورس.

    غير أن التستوستيرون هو المسؤول الأول عن كل مظاهر الذكورة والصحه الرجال . مش مجرد لبناء عضلاتك وبس .

    1-التدريب.

    إسلوبك في التمرين وكيفيته له تأثير مباشر و قوي جداً علي إفراز التيستوستيرون و هرمونات النمو.

    حافظ علي التمرين بأوزان ثقيله بحيث يكون عدد التكرار من 8-10 تكرار في الدور وفي بعض الأساليب بتقول 6 تكرار كمان أو حتي عده واحده أو اثنين بأعلي وزن..

    - الإهتمام بتمرين الرجل و الظهر و التمارين المركبة.

    أكبر مجموعه عضلية في الجسم هي الرجل بمعني إنك كل ما إهتميت بتمرينها بوزن عالي كل ما العضلات دي أرسلت إشارات للمخ أنها محتاجة دعم بالطاقة و هرمونات النمو ولأن العضلات دي كبيرة هيكون إفراز الغدد من الهرمونات كبير.

    - التمارين المركبه .

    التمارين إللي بتجمع أكبر من مفصل وأكثر من عضله.

    علي عكس تمارين العزل الرفرفه و الفراشة مع أهميتها لقوة بعض العضلات لكنها مش بتحفز إنتاج الهرمونات عشان كده من الأفضل إنك تجمع ما بين النوعين في نفس التمرين .

    وتقلل تمرين العزل في وقت الضخامه.
    - التمرين بشكل مفرط و لوقت طويل
    كل ما زاد وقت التمرين عن 45 دقيقة كل ما قل التيستوستيرون في الدم و زاد احتمال إفراز هرمون الكورتيزول وسبق اتكلمت عن عمله الخطير في عمليه الهدم و زياده السوائل والدهون في الجسم .

    2 - النوم
    أقل من 8 ساعات نوم يوما .. اعرف ان عندك مشكله كبيره في إفراز هرمونات النمو و زياده في إنتاج هرمونات الهدم و الأنسولين .. بمعنى ان السهر او قله النوم بيسبب هدم الكتله العضليه وزياده نسبه الدهون في الجسم . ومن الأفضل طبعا النوم في الليل لانه وقت إفراز معظم هرمونات البناء.

    3- الكحول و المخدرات والتدخين ..
    كلها تدمير أو تسبب ضعف الخلايا العصبية .. بمعني أن النواقل العصبية مش هتقوم بدورها في نقل أشارت من العضلات للجهاز العصبي المركزي و كذلك المخ مش هيحس الغدد علي إفراز الهرمونات .. يعني المخ أصبح في وادي و العضلات في وادي.. العضلات محتاجه دعم المخ بالهرمونات لكن الرابط العصبي ما بينهم ضعيف أو في حاله تخدير.

    4 -نسبه الدهون
    كل ما زادت نسبه الدهون في الرجال عن 10او 15% كل ما قل من إنتاج و كفاءة عمل هرمون التيستوستيرون و كمان زاد من احتمال تحول الموجود منه في الدم لاستروجين ( هرمون انوثة)
    وكل ما زادت نسبه الدهون عند النساء من 15 لي 25%
    كل ما قله إفراز هرمون الاستروجين و قل كفاءة عمله واحتمال تحوله لتيستوستيرون ..
    يعني زياده الوزن مرتبطة ارتباط مباشر عند الجنسين مشاكل الهرمونات ..

    5-المواد الحافظه و الكيمائية والعلب و الأكياس البلاستيكية .
    كلها تتفاعل مع هرمون التيستوستيرون و تزيد من الاستروجين والمواد المسرطنة.
    أبعد بقدر الإمكان عن الزجاجات البلاستيكية و استعملها في شرب المياه لوقت طويل و العلب البلاستيك و وضع أكل فيها وخصوصا لو كان سخن استبدلها بزجاج أو صيني .
    -المأكولات اللي بتحتوي علي مواد حافظه .. والكلام للناس اللي عايشه علي علب التونه لكمية البروتين العالية فيها. استبدلها بسمك طازه أفضل بكتير.
    المواد الكيماوية في المنظفات و البويات و المبيدات الحشرية استخدمها بحرص وحصن نفسك منها بقدر الإمكان.
    -الخضروات الطازجة اغسلها بشكل جيد جدا بالمياه و الخل .. لاحتوائ أغلبها علي مبيدات ..

    6- التغذية
    طبعا كل الناس سمعت عن فيتازنك اللي كان في الصيدليات كلها ب خمسه جنيه عن دوره في تحسين إفراز التست وده اللي خلي بعض التجار الأغبياء يلموه من السوق و يبيعوه ب 30و 40 جنيه علي أساس أنه سحر ..

    بص بقي انت مش محتاجة خالص لو كان أكلك يحتوي علي كميه كافيه من الزنك تقريبا 30 مل جرام .

    الاكلات اللي بتحفز إنتاج التيستوتيرون هي كل الاكلات الغنيه ب الأوميجا 3 6 9 و المغنيسيوم و البوتاسيوم و الفسفور و البروتين ... وطبعا الزنك.
    زي.
    الأطعمة البحريه المحار، السردين، الجمبري، وسمك السالمون، والكابوريا، والاستكوزا، والتونة. المكسرات الفستق، والبندق، واللوز، عين الجمل، الفول السوداني ، السمسم . الشوكولاتة غمقه والكاكاو، كوب الواحد من الكاكاو يحتوى علي حوالي 5.8 مل جرام زنك. اللحوم البقرية ولحم الضأن، واللحوم الحمرا قليلة الدسم بشكل عامٍ، اللحوم البيضاء الدجاج كل 100 جرام تحتوي على حوالي 8 مل جرام زنك ، البيض ،الحبوب الكاملة و جنين القمح ، الكبدة وتعتبر أهم مصادر الزنك و الحديد، كل 100 جرام تحتوي تقريباً على 12مل جرامٍ . الخضراوات الورقية السبانخ منجم فيتامينات ، الجرجير، والبقدونس، كل 100 جرام سبانخ تحتوي على 0.8 مل جرامٍ زنك

    7- أخيراً شرب المياه..
    ... لو أنت مش مريض ضغط أو كلي يبقي متخفش وإشرب مياه كثيرة فوق 4-5 لتر مياه علي مدار اليوم .

    نضف جسمك أول بأول من السموم و الأستروجين الزيادة والأملاح اللي ممكن تكون حصوات .
    moumn
    @مرسلة بواسطة
    كاتب ومحرر اخبار اعمل في موقع جريدة أنباء الوطن .

    إرسال تعليق

    اعلان فوق المواضيع