تحويل الجسم وكيف يتغير بإختلاف الجينات

تحويل  الجسم وكيف يتغير  بإختلاف الجينات
    .

    كابتن: شريف عبد التواب

    إزاى بتكون معندكش أى شكل عضلي , أو أى عضلات واضحه وباينه
    ومع الوقت بيبقي جسمك مرسوم وعضلاتك باينه وجميله

    سحر ده ولا أى ؟ 
    تعالي نسمي الله ونفهم .

    بسم الله الرحمن الرحيم.
    "التحوًل العضلي"

    بتنزل تتمرن بيكون ليك حجم عضلي معين
    بيكون ليك شكل معين
    بعد شهر الشكل والحجم بيبدأ يتغير
    بعد 6 شهور بيتغير أكتر وأكتر
    بعد سنة بعد سنتين كل فترة بيحصل ف تغيير ف شكل وحجم عضلاتك .

    إي ال بيحصل بالظبط ؟
    وليه بتشوف تحديدات واشكال مميزه عند الاعبين المتقدمين مش موجوده عندك ؟

    عضلاتك ف الطبيعي بتكون مُعرضه لضغط وأحمال معينه
    مع التمرين خصوصا تمرينات المقاومه والأوزان.
    الحمل والضغط ال بيحصل ع العضلات بيزيد الأضعاف.

    وبناء عليه العضلات بيكون ليها رد فعل كتحوّل شكل وحجم.

    وردها بيكون علي شكل جزئين :-

    1) زيادة الحجم والقُطر للألياف العضليه
    "
    وده بيحصل عن طريق زيادة كمية الدم ال بتمد العضلة
    وبيحصل كرد فعل للضغط الواقع ع العضلة عشان تقدر تتماشي مع الحمل ال بيحصل عليها .

    2) الالياف العضلية نفسها بتزيد ف العدد

    وده عن طريق حاجتين :

    1- الليفة العضلية نفسها بتوصل للحد الاقصي ف الحجم
    فبناء عليه الليف العضلي نفسه بينقسم عشان يزود عدد الالياف العضلية .

    " أو الليفه العضليه نفسها بتكبر لدرجة إنها بتبان إنها 2 أو 3 ليفات مع بعض , بتكبر لدرجة إن شكلها بيكون عباره عن مجموعه من الألياف مش مجرد ليفه واحدة.

    2- داخل العضلة نفسها مجموعة ألياف جامده.

    وف نقطة 3 بعيدة عن العضلات والتحول العضلي نفسه ,
     لكن هي ليها دور مميز ورئيسي
    وهي :-

    فخلال ما رقم 1 و 2 بيحصلوا ف خلال إن عضلاتك بتتغير
    , إنت بتكون بتنشف أكتر وبتنزل دهونك أكتر وجسمك بيفقد مياه ودهون أكتر وأكتر , وبناء عليه الزيادات البايخه ال بتبقي مغطيه ع جسمك بتختفي
    وعضلاتك بتبان بدون أى طبقات عليها , وبتبان بشكلها الصلب المميز .

    والكلام ده  بردو بيحصل حتي لو إنت بتضخم أو بتزيد ف زياداة الجسم بيتخلص منها حتي لو إنت بتضخم , عشان الهدف الأسمى وإن العضله تبان بشكل أكثر صلابه.

    كده عرفنا إزاي جسمك بيتغير وشكله بيتغير , وإنه مش سحر ولا حاجة.

    وإزاي كل جسم بيتميز ويختلف عن التاني
    وإزاي الأبطال بيوصلوا للشكل ده.

    وأعرف إنك جواك/ى بطل وإنسان أحسن وأقوي
    دور عليه إنت وأعمل ال عليك هتوصل لكل ال بتحلم بيه.
    ali shata
    @مرسلة بواسطة
    كاتب ومحرر اخبار اعمل في موقع جريدة أنباء الوطن .

    إرسال تعليق

    اعلان فوق المواضيع