๑ انا باكرهك ๑۩۞۩๑

๑ انا باكرهك ๑۩۞۩๑
    ๑۩۞۩

    قرّب يا باشا .. يابو بدلة شيك
    قِب ببريزة .. و اكتب لي شيك
    دانا من زمان باستنى فيك
    لحظة قدومك ..
    لاجل خاطر أبشّرك
    إن الغبار بقى عَ الوشوش
    و ان الجيوب مافيهاش قروش
    أصل الوحوش مَلِت الكروش
    و لا عاد فيه حد معبرّك
    باستنظرك !!
    شوفني بقفاك .. و بلاش عنيك
    خُد خَدّي أهو .. شوطو بإديك
    قطّع فِ لحمي انا كلي ليك
    و ارميني لـِ كلاب السِكك
    و انا هاشكرك
    اعصُر فِ دمي و مُص فيه
    إسلخ فِ جلدي اللي مداريه
    و اديني خُنّ أتّاوَي فيه
    لو حتى مَدفَن مُشتَرَك ..
    و هافكرك !!
    انا اللي جبتك من مفيش
    و دفنت نفسي عشان تعيش
    ياللي انت كُلك ما تساويش
    و الكل كان بيقدّرك
    انا باكرهك

    #الشاعرةهناءنوار
    ali shata
    @مرسلة بواسطة
    كاتب ومحرر اخبار اعمل في موقع جريدة أنباء الوطن .

    إرسال تعليق

    اعلان فوق المواضيع