كيف تحمي نفسك من الأصابات أثناء التمرين

كيف تحمي نفسك من الأصابات أثناء التمرين






    كيف تحمي نفسك من الأصابات أثناء التمرين
    كابتن: شريف عبدالتواب
    الإصابه هي المشكلة التي يخاف منها أى رياضى فى أى لعبه لأن ببساطه جداً ممكن تدمر مسيرتك الرياضيه عشان كده إحنا فى مقال النهارده هنعرض بعض النقط إللي هتساعدك تتجنب الأصابات وهنقولك على بعد النصائح إللي تعملها لو حصل أي إصابة.
    إزاى تتجنب الاصابات :
    الإحماء الجيد : لازم تسخن كويس قبل اى نشاط رياضى لان هيساعد فى حمايتك من الاصابه بنسبه كبيره بجانب انه بيحسن من أداءك وطرق التسخين كثيرة.
    منها إنك تعمل بعد كل تمرين تمارين إستطاله للعضلات.
    كمان تقدر تاخد أى تمرين كارديو زى المشايه مثلاً او العجله وتستخدمه فى التسخين لمده 5 او 10 دقائق.
    - التعجل فى زياده الأوزان : او بـ البلدى كده الغشم فى الأوزان إنك عاوز تروح كل إسبوع تشيل أوزان أكتر من الإسبوع إللي فات لازم تتأنى فى إختيار وزياده الأوزان مش لازم كل إسبوع تزود إتأكد الاول من صحه التكنيك بتاعك وادى فرصه لمفاصلك انها تتعود على الاوزان عشان تقدر تخش على الوزن الي بعده.
    - مدى حركى كامل : انك تادى التمرين بمدى حركى كامل ده هيخليك اقل عرضه للاصابه
    التوازن بين العضلات : لازم يكون عندك توازن فى القوه بين العضلات يعنى مينفعش تهمل تمرين لاى عضله متجيش تهتم بالجزء العلوى من الجسم وتسبلى الرجل.
    الإفراط فى التمرين : مينفعش تنزل التمرين كل يوم على الأقل يكون يوم فى الاسبوع راحه تامه لجسمك عشان يقدر يكمل معاك.
    الإهمال فى التغذيه و شرب المياه.
    إهمال تمارين المرونه وهنتكلم عليها فى مقال قدام
    تعمل إيه لو لاقدر الله حصلت إصابة.
    أول حاجه لازم لازم لازم تكشف بلاش إهمال لأنه هيزود من خطورة الاصابه.
    - الراحه : والراحه هنا تعنى راحه الجزء المصاب يعنى على سبيل المثال ممكن تكون مصاب فى كتفك وتنزل تمرن الجزء السفلى عادى طبعاً ده فى حاله لو دكتورك معندهوش مانع لحاجه زى كده
    - التأهيل : لما تبتدى الاصابه فى الاستشفاء لازم تعملها اعاده تاهيل وطبعاً ديه بتبقى تحت اشراف طبيبك المعالج
    - الماء الدافئ : الكمدات السخنه على المنطقه المصابه ده هيساعد فى توسيع الاوعيه الدمويه وده هيدخل كميه دم كبيره للمنطقه المصابه
    - تمارين المرونه : ممكن تعمل شويه تمارين للمرونه عشان تحافظ على المدى الحركى بس بشرط تختار تمارين متسببش الالم ولو حسيت بألالم وانت بتمرسها يبقى توقفها على طول وبرضوا يفضل استشاره طبيبك فى اختيار التمارين.
    كده خلصت حاولت أبسط الموضوع على قدر المستطاع.
    أتمنى الكل يكون إستفاد.
    تحياتي وتقديري للجميع.
    فرغلي علي
    @مرسلة بواسطة
    كاتب ومحرر اخبار اعمل في موقع جريدة أنباء الوطن .

    إرسال تعليق

    اعلان فوق المواضيع