القائمة الرئيسية

الصفحات

عاجل

أأأه ياعشرة هانت





بقلم الكاتبه / بوسي مرسي
رئيسة قسم الاجتماعيات بمكتب الكويت

مالك ياعشرة::::
فيه أيه وأخدانا في دوامة ليه عمالة تلفي وتدوري وناسية أننا معاكي في نفس الساقية عاملة تلملمي حبه قرايب وحبه حبايب وياعيني علي ليه قرايبين تعابين متلونين بميت وش ولون عاملين زي الأفاعي عاوزين يخرجوا من حياتنا بس برفاعي باخين سمهم فينا تقولش عين وراشقة فينا قالوها زمان عدوك أبن كارك وقالوا كمان عقارب عاملين قرايب وكله متلون وعارف أمتي يتلون ويدهن وشه ويفرجك علي غشه وعلي خشبة مسرحك ياحياة واقفين متفرجين  .

مالك ياعشرة:::
عاشرنا ناس كانوا هما كل الأساس وفجاءة أصبحوا ولا ليهم أساس من الوجود زي مايكونوا فص ملح وداب   .

مالك ياعشرة :::
عمالة تلملمي كل عزيز وغالي ومفكرة أنك كدة أبقالي أزاي هاأكون عليكي باقي وأنتي لملمتي كل البواقي ومصرة ماأكون علي حد باقي  .

مالك ياعشرة :::
العيب فيكي ولا في البشر دول بقوا مش بشر ده أصبح البقر ليه فايدة عنهم بشر ملعونين من الخيانه متأصلين ومن قلة الأصل متحصنين  .

مالك ياعشرة ::::
هما الناس أللي بقوا دهب قشرة ولا حالفين مايصونوا العشرة كله بيلعب علي كله تقولش ياسيدي سيرك وبهلوان وكله ألوان وكل لون علي كيف كيفك يتلون بميت لون زي الأفاعي عاوزين رفاعي وطبلة ومزمار عشان يخرج سمهم بس والله الأفاعي سمهم معروف وباين الدور والباقي علي سمه متخبي أحفظنا ياربي  .

مالك ياعشرة :::
بصمت فيكي أنا بالعشرة أني ماأخون لكن أنتي أصلك جايه في القلب الحنون وعماله تجرحي وتخوني كل من حبوني أو كانوا عاملين حبايب وكانوا أقرب قرايب هاتي كمان هاتي وخلصي شريط حياتي خليهم يخلصوا مرة واحدة مش كل شويه وواحدة واحدة بلاش شغل ياواش ياواش والنبي خلصي ولمي الآوباش وفيه بلاش تختبري صبري عشان ماعدتش أقدر تاني أربي وأكبر في ناس عشرتهم كانت أساس وعملنا خدنا ليهم مداس وأول ماعلوا عطونا بالمداس  .
هل اعجبك الموضوع :

تعليقات