القائمة الرئيسية

الصفحات

عاجل





بقلم سناء عقل
ظاهرة غريبه جدا بتحصل كل سنه فى اليوم ده 2/14 تلاقى كل الشوراع اتملت بالدباديب والقلوب والورد، والبوكسات الكبيره المليانه شيكولاته وهدايا صغيرة، وأوراق ملونه كل ورقه فيها كلمه حلوه لذيذه بيهديها المحب لحبيبه، وبيسموا ده اننا بنحتفل بعيد الحب، الله وهو الحب بيكون يوم واحد فى السنه يعنى تفضل مزعل حبيبك طول الوقت وتيجي فى اليوم ده وتجيب له دبدوب وتقوله عشان بس تعرف انى بحبك..
هو اللى بيحب بجد بيكون مستنى ده من حبيبه، لا مفتكرش
لأن الحب احساس، مشاعر، رقى والتعبير عن الإحساس مش بيكون غير بالاحساس، انك توصل لحبيبك أن هو أهم حاجة فى دنيتك، يعنى زعله ميهونش عليك، يعنى لما يتعب عينك متنمش الا لما تتطمن عليه، يعنى مهما يعمل ويغلط تغفرله و تسامحه، وتاخده جوا قلبك و تحتويه عشان يعرف انك متقدرش تعيش غير بيه، وانت من الدنيا تكفيه، يعني امانه وراحته، وسعادته متبقاش غير وهو جنبك، وانك مهما شفت أو قابلت مش هتشوف غير عينيه
هو ده الحب.. أحاسيس
موجودة كل يوم، وكل لحظه، وكل ثانية بتمر فى حياتنا محتاجنها، كل ست بتكون دى أهم احتياجاتها احساسها بأنها ملكه فى قلب حبيبها مش بيفرق وقتها معاها هديه، قد ما يفرق معاها لمسة حنان، وكلمة من القلب مش من اللسان وبس، وعلى فكره الراجل كمان نفس الكلام بيكون محتاج دايما يحس انه الأهم في حياة حبيبته، وده كله مش بيبان لا بالكلام ولا بالهدايا، ولا بالاغانى، التصرفات بس وحدها والمواقف هى اللى بتحدد وتبين للى قدامك قيمتك ومقدار حبه ليك..
قبل ما تفكر تحب، افتكر ان الحب مش شويه لعب ولا هدايا ولا برفانات، ولا فسح ولا عزومات..
الحب مسؤولية، و عهد، و وعد لازم لما توعد توفى بيه.
عشان كدا قبل ما تحب لازم تكون قد الحب.. اقولكم
ربنا يجعل كل أيامكم حب وسعاده مش يوم واحد فى السنه..مساء الورد
هل اعجبك الموضوع :

تعليقات