القائمة الرئيسية

الصفحات

عاجل

إنفراد عمر آدم في حوار صحفي مع الممثل الصاعد " حسن أبو الروس " الذي حفر دور " زيزو " في مسلسل " ب 100 وش " مع الفنان " أسر ياسين " والفنانة " نيللي كريم " في عقول المشاهدين لبراعته في التمثيل


حوار عمر آدم 
إعداد صحفي : مصطفي علاء 

: في البداية عرفنا بنفسك ؟؟
: أنا حسن ابو الروس ‘ إتخرجت من الجامعة الأمريكية في القاهرة وجامعة  AUC في أمريكا ‘ درست مسرح ومزيكا وهندسة معماري .

: كلمنا أكتر عن موهبة الغناء ؟؟
: موهبتي فالغناء أنا بحب أغني جدا من وأنا صغير من أيام ما كنت في المدرسة وأنا الي بعمل حفلات المدرسة بتاعت الغني و فريق المزيكا لحد الجامعة لحد ما عملت كام أغنية و إنتشرت أونلاين يعني راحوا viral وكده ‘ بحب أمثل و أغني بحب أعمل الأثنين يعني أنا مقتنع إن أنا ممكن أبقي زي مثلا النجم الراحل " فؤاد المهندس " أو " أحمد زكي " الي هو يمثل ويغني ويعمل وكل حاجة .

: بدأت إمتي تمثيل ، إي أول عمل عملته ؟؟
: بدأت التمثيل من زمان جدا وأنا صغير في المدرسة وبعدين مسرح الجامعة عملت أدوار كتير جداً في التلفزيون والسينما وطبعاً إشتغلت في ورشة الأستاذ " حسن الجريتلي " ديه فرقة مسرحية إسمها الورشة بتاعت المخرج " حسن الجريتلي " ديه كان فيها الفنانة " عبلة كامل " و الفنان " سيد رجب " و" عرفة عبد الرسول " و " باسم سمره " و " محمد هنيدي  " الفرقة دي بنقعد نتدرب وبعدين بنعمل مسرحيات بره مصر نطلع نعرض برة مصر فرقة international عالميه قعدت فيها 7 سنين ؛ أول عمل عملته والله كأفلام عملت أول عمل تقريباً كان " نور عيني "  للفنان " تامر حسني " يمكن وفي حاجات قبليها مكنتش في التلفزيون والسينما .

: كلمني أكتر عن الأفلام القصيرة الي بتعملها ؟؟
: والله يعني الأفلام القصيرة الي بعملها بتبقي حاجات إجتهاد شخصي يعني إحنا الي بنكتبها ونصورها بنفسنا وحد من صحابنا الي بيخرجها يعني بس بالنسبة للأفلام القصيرة يعني والحمد لله بعملها علشان يبقي عندي بس تواجد أونلاين يعني بالنسبة للناس متنسناش يعني وتنبسط برضو نسليهم يعني .

: قولي مجمل أعمالك من بدايتة في المجال ؟؟
: مجمل أعمالي أول حاجة يمكن فيلم " نور عيني " بعدين مسلسل " العملية ميسي " و بعدين عملت"  قبل زحمت الصيف " مع أستاذ "  محمد خان " عملت " الماء والخضروات الحسنة " مع أستاذ " يسري نصر الله " و عملت " ضهر راجل " مع أستاذ
" كريم السبكي "  عملت حاجات كتير عملت " الحب فرصة أخيرة " مع أستاذة " منال الصيفي " و " داليا البحيري "  وعملت 
" كارمن "  مع أستاذ " حسين شوكت " و الأستاذة " ريهام حجاج " و حاجات كتيرة بس ده الي أنا فاكره ؛ و طبعا أخيرا وليس أخرا مسلسل " ب 100 وش " مع الفنان " أسر ياسين " و الفنانة " نيللي كريم " .





  

: كلمني أكتر عن علاقتك بالفنانة " ليلي عز العرب " ؟؟
: ااه الفنانة " ليلي عز العرب "  ديه حبيبة قلبي كانت معايا في مسلسل " كارمن " فا إتعرفنا علي بعض وحصل ما بينا كيمياء حلوة وبقينا أصحاب فا كان نفسي أعمل أغنية لعيد الأم الي هيا " كفاية إنك معايا " روحت قولتلها فا قالتلي ااه طبعاً يا حبيبي وساعتها كان في داعمين للأغنية sponsores يعني كانوا هيدفعوا وبعدين اتأخرنا حوالي أسبوع ومخلصناش الأغنية كان فاضل أسبوع على عيد الأم فا sponsores مكملوش معانا طبعا مكنش في فلوس فا روحت قولت للأستاذة " ليلي عز العرب " معلش تعمليها معايا ببلاش مش هنسي الرد الي هيا قالتهولي طول عمري ؛ قالتلي " معاك يا أبو علي " بس وهكذا كان بقيت ال crew كله جه ببلاش والمخرج إعتذر فا إضطريت أخرج أنا ف كان أول عمل من إخراجي .




: قولي بقا عن موضوع جلسات التصوير الكتير الي بتعملها هل ده شغل موديل ولا هواية وحب تصوير شخصي ؟؟
: لا هواية و حب التصوير شخصي أنا مش موديل لا و أنا مخرج إعلانات وكده فا بيبقي مثلا عندي تصوير إعلان أو حاجة فا بقوم مصور نفسي كدة يعني .




: مين رشحك لدور " زيزو " في مسلسل " ب ١٠٠ وش " ؟؟
: أول ترشيح جالي كان من " الفنانة نيللي كريم " نفسها يعني أنا أعرفها معرفة شخصية و شافتني كذا مره و أنا بمثل و كدة فا رشحتني بس الأستاذة عملتلي إمتحانات و oudtions و إختبارات كتيرة جدا علشان تقبلني في الدور .


: هل عدلت في سيناريو الدور بتاعك ؟؟
: ااه طبعاً يعني ممثلين الكوميديا والمسرح بالذات ﻻزم متعوديين إنهميرتجلوا كتير ف تعديل الشخصية كله كان قايم على الإرتجال وأنا قعدت مع ناس يعني من نفس الفئة الإجتماعية والعمرية لشخصية زيزو ولقيت إن الشبح الي بيفهم بيتكلم بطريقة السجع ديه فقعدت معاهم وخلتهم يساعدوني يعني وبس ومسكت الطريقة ديه يعني ومركز فيها .

: مين ساعدك في مزاكرة الشخصية ؟؟
: الي ساعدني في مزاكرة الشخصية ديه شخصين مهمين جداً يعني وهما بردو من نفس البيئة بتاعت زيزو وكانوا مركزين معايا عليها و اشتغلوا معايا عليها جامد .

: كلميني أكتر عن أجواء تصوير المسلسل ؟؟
: أجواء تصوير المسلسل ديه أحلي حاجة يعني أحلي أجواء حضرتها لأي شغل حضرتوا أنا في حياتي أحنا عيلة بنتبسط جدا بجد مع بعض ببقي هموت وأروح التصوير يعني أنا شايل هم بعد رمضان وبعد ما هيخلص التصوير هعمل إيه والله يعني " نيللي كريم محترفة جداً هي و الفنان طبعا " أسر ياسين " بجد هما عيلتي الجديدة هما عيلتي التانية . 





: هل شايفة إن دورك في المسلسل هيديك فرصة أكتر الفترة الجيه في مجال التمثيل ؟؟
: أنا أتمنى إن ديه حاجة تفتحلي وتديني فرصة لأدوار أكبر وأدوار أحسن وفيها يعني مساحة أكتر يعني دور زيزو ده غالي عليا جدا ياريت لو الأدوار الجيه تبقي زي دور زيزو وكده و أشتغل مع أستاذة " كاملة " تاني وتالت وعاشر وأساتذة " نيللي "وأستاذ " أسر " و إسلام " حميل جداً بجد وأخ ليا وأستاذ " شريف دسوقي " و " مصطفى درويش " و " محمد عبد العظيم " و " دنيا ماهر " كل دول حبايبي وأخواتي وكلهم بتعلم منهم .









: إي الحاجة الي حبتها في المسلسل والممثلين الي معاك ؟؟
: زي ما قولتلك هما أخواتي وأستاذتي " نيللي كريم " بجد جميلة جميلة بطريقة رهيبة يعني مش هقولك غير أنها بتبذل مجهود عالي جداً علشان تمتع المشاهدين والله وعلشان تلحق تخلص في الميعاد وعليها ضغط ابن شديد يعني بطلة المسلسل بتتعب جدا الصراحة وهي على قلبها زي العسل علشان شايفة الناس مبسوطة ومش عارفة طبعاً تعيش خالص أيام رمضان وﻻ تشوف أهلها من كتر ما إحنا عندنا ضغط تصوير في اليوم وهي بجد علي قلبها زي العسل و واخده بالها منا جداً وبتهتم بنفسيتنا جداً علشان نعرف نأدي كويس وعلشان هي بني أدمة طيبة ﻻ ﻻ نيللي كريم مشوفتش زيها في حياتي الصراحة .

: إي أعمالك الفترة الجيه ؟؟
: بحضر لأغنية مع أستاذي " العظيم أمير عيد "  و" المدفعجية " ان شاء الله تبقي مفاجأة ليكم .




بنشكرك جدا جدا يا حسن علي الحوار الممتع ده و بجد ربنا يوفقك و ديما ياارب في نجاح و تقدم ديما .
هل اعجبك الموضوع :

تعليقات