القائمة الرئيسية

الصفحات

عاجل

بتوحشني
                 شعر
شيماء الغياتى
الإسماعيلية

ومل لسانى من كلمة بتوحشنى
يقولها القلب للأفكار تسابقنى
وأقول هاتى الجديد يا قديمة
وفوقى من كلام السيما
وشوفى المشهد التانى هتتهدى
مفيش ردود بتشفى غليل
ولا ريأكشن غنا وتمثيل
دا حتة كمان ميعرفشي
يارته نافقنى يوم قالها
ويبدأ مرة يوم بيها
وقال انه ياما ظالمنى
بغيرته فين لا هى جريمة
لا عمرى بحس بالغيرة
فى قلبك ليا ولا مرة
وفكرت ان انا وحيدة
فى خوفى وعشقى وجنونى
لاقيتك نفس احساسى
لكن بتخاف تعبرلى
ولا جايز سكوتك خير
مخبيلى فى يوم راح اشوفك
أكيد فى عيونك الاجابات
اكيد شعرك فاضح نفسه
بيحيى الحب والاشواق
وانه ع البعاد نسى نفسه
اكيد اوقات بغير واتجن
من العيون حواليك بتزن
لكن منك انا واثقة
تمام كده ثقتى بنفسى
فطير غرد كما الكروان
وحلق ف الفضا وامرح
لانى اطلقت فـ سراحك
فى يوم احببتك وبشدة
عشان عارفاك راجع ليا
وانى مطار لأحلامك
و دورت كتير عنى
كما دورت يوم عنك
لاقينا اشواقنا سابقانا
تقول اغرف م الهنا لو مر
تقول اروينى من عطفك
ورد لجسدى روحه تسر
وسيبنا من الزمان والحزن
وخلينا نداوى جروحنا بايدينا
باحساسنا وامانينا دى تكفينا
حبيبى مش راح أجيب تانى
لاعمارنا وصلة وعمر
مفيش ف العمر أد ما راح
تعالى نعلن الأفراح
وأكون جنبك لآخر العمر
هل اعجبك الموضوع :

تعليقات